Pages

Jul 1, 2012

M.C. Escher | Mathematics in Art


Arti Matematikor i M.C. Escher


Gjëja më mahnitëse e M.C. Escherit është paraqitja në mënyrë të përsosur e ndërthurrjes së matematikës me artin. Këto janë dy botë të ndryshme që ai i sjell në një.


I lindur në Hollandë në 1898, Maurits Cornelis Escher s'ka patur asnjë trajnim formal në matematikë. Jetën profesionale e filloi si artist grafik duke u marrë me klishe në dru dhe litografe. Gjatë një vizite në Alhambër të Spanjës kur ishte ende i ri, Escher u magjeps nga ornamentet gjeometrike të pllakave maure. Ky ishte dhe momenti përcaktues i karrierës së tij artistike, pjesën më të madhe të së cilës e shpenzoi duke eksperimentuar me mozaike matematikore.

Mozaiku konsiston në motive të rregullta që ndajnë një plan. Plani ndahet në forma më të vogla që shkojnë në mënyrë të përkryer së bashku, as nuk mbivendosen dhe as nuk lënë ndonjë boshllëk. Premisa e vendosjes së tyre në njësi të rregullta që përsëriten është një ide shumë e thjeshtë, por tepër thelbësore në matematikë, dhe arsyeja këtu është simetria. Escher ka arritur t'i shtojë kësaj metode abstrakte një dimension sa me humor aq dhe fantastik.
Puna e tij ndahet në dy periudha të ndryshme. Ajo e hershmja është intuitive, pa asnjë kontakt me matematikën. Ai është i interesuar në motivet e mozaikëve dhe kaq. Por pasi bie në kontakt me të, puna bëhet shumë më e thellë dhe matematikisht i përmban të gjitha llojet e strukturave sofistikuese. Interesi i tij shfaqet në dimensionet dhe formën e hapësirës, ​​tipologjinë dhe pafundësinë e saj.
Kozmologët mendojnë se universi mund të jetë i formuar sipas të njëjtit model dhe disa nga këto punë mund të kenë parashikuar karakteristika shumë të thella të kozmosit.
Duke përdorur vetëm mjete të thjeshta vizatimi, ai ka krijuar imazhe rrethore ku përfaqëson saktësisht hapësirën dhe si ajo kufizon pafundësinë. Gati 40 vjet më vonë, matematicienët kanë konfirmuar se ka qënë absolutisht e drejtë deri në detaje.
I ngacmuar nga puna e matematicienëve si Roger Penrose, Escher krijoi trekëndëshin e pamundur dhe ka qënë po aq i mahnitur nga vetitë e pazakonta të rripit mobius dhe objekteve që duken se kanë vetëm një anë.
Iluzionet vizuale paraqesin interes tek të gjithë sepse na tregojnë se nuk e perceptojmë botën ashtu siç është. Në të vërtetë truri ynë interpreton atë ç'ka percepton dhe bën supozime në lidhje me atë që sheh. Çfarë është kjo që kemi përpara? Çfarë po shohim?

Ky ka qënë dhe frymëzimi i Escherit për krijimin e disa nga veprave të tij më të famshme - imazhet që duken bindëse, por nuk kanë asnjë kuptim llogjik. Konceptet e reflektimit, pafundësia dhe natyra e perceptimit vizual mbetën një intrigë për artistin deri në vdekje në vitin 1972.

Matematikanët e dinë që subjekti i tyre është i bukur, por është Escheri ai që na e tregon këtë bukuri.



 The Mathematical Art of M.C. Escher, BBC dokumentar.

Nëse keni kohë dhe interes për të ditur më shumë për artistin mund të ndiqni dokumentarin në vijim.

Metamorphose: M.C. Escher, 1898-1972 , një dokumentar i vitit 2002 nga Jan Brodriesz.

No comments: